"Eh ayok dites jerune sak piro se bolongan iki" jare Kolis.
Paimo njupuk watu kali terus diuncalno ndhik bolongan mau.
Sui gak onok suorone blas...
"Whuik jerune...," jare Paimo
"Watune kurang gedhe be'e, cobak kelopo" jare Kolis.
Paimo njupuk kelopo terus diuncalno maneh ndhik bolongan.
Sepiii gak onok suorone.............
"Whuik jerune...," jare Paimo
"Sik golek sing luwih gedhe maneh," jare Kolis.
Mari golek-golek, arek loro iku akhire nemu beton bekas bantalane rel sepur.
Berhubung abhot, betone digotong wong loro terus disurung mlebu bolongan.
Tapi yo ngono, suiii gak onok suorone...
"Cik jerune bolongan iki.." jare Paimo
Moro-moro seko semak-semak, onok wedhus mlayu katene nubruk arek loro.
Selamete arek loro iku isok ngelesi, tapi sakno wedhuse sing kecemplung bolongan.
Kagete jik durung ilang, moro-moro onok Wak Ran nggowo arit takok nang arek loro iku.
"He rek, kon ndhelok sing nyolong wedhusku tah ? Tak bacoke wonge !!!'', takok Wak Ran.
"Wah gak ngerti Wak Ran, cumak sik tas ae onok wedhus kecemplung bolongan iku" jare Kolis.
"Oo gak mungkin.. dhudhuk wedhusku lek sing iku, wedhusku mau tak cancang ndhik betone rel sepur"
"Kolis karo Paimo melongo" ...