Kholis lagi enak-enak nontok bal-balan ndhik TV, moro -moro bojone ngeriwuki
"Cak, lampu omah ngarep pedhot, tulung pasangno sing anyar po'o".
"Masang lampu ?!!!. Kon kiro aku iki PLN tah...!!! " jare Kholis murang-muring.
"Yo wis lek gak gelem, ngene ae cak, tulung benakno kran banyu ndhik
jeding po'o cak, eman banyune amber-amber" jare bojone maneh.
"Mbenakno kran ?!!!. Kon kiro aku iki PDAM tah ...!!! " jare Kholis ambek menteleng.
"Lengo gase yo entek pisan cak, lek sampeyan tuku rokok aku tulung tukokno pisan po'o cak.."
"Dikandani jek nambeng ae arek iki, kon kiro aku iki PERTAMINA tah ..!!! " Kholis tambah mangkel.
Mergo mangkel diriwuki terus, Kholis minggat nontok bal-balan ndhik warung kopine Haimin.
Mulih jam loro isuk, Kholis kaget omah ngarepe wis padhang. Pas wisuh ndhik jeding banyune yo wis gak amber maneh.
Kholis yo ndhelok lek jerigen lengo gase wis diisi full.
Isuke Kholis takok ambek bojone sopo sing nulungi.
"Ngene lo cak, mari sampeyan minggat mau, aku nuangis ndhik ngarep omah.
Mari ngono onok arek lanang ngganteng teko. De'e takok opoko kok
nangis. Aku yo cerito lek lampuku pedhot, kranku bocor, lengo gasku
entek, bojoku purik. Lha de'e nawakno kate nulungi cumak onok sarate....
" bojone cerito.
"Opo sarate ?" Kholis mulai curiga.
"Sarate iku aku isok milih, nggawekno roti utowo nglencer karo de'e " jare bojone.
"Lha terus kon nggawekno roti opo..? " Kholis takok maneh.
"Nggawekno roti ?!!!. Kon kiro aku iki Pabrik Roti tah !!!..."
